CASCOLETE

CASCOLETE

Adxectivo e substantivo.

Persoa que está entre a infancia e a xuventude. Que xa supera a nenez, pero aínda non chegou á idade adulta.

Ex: Os fillos de Paco xa van feitos uns cascoletes.

Sinónimos: rapaz, mozo, rapazolo.

Nota: Esta verba non está recollida de xeito oficial na RAG, aínda que se emprega no Concello Chairego de Guitiriz, e máis concretamente na parroquia de Os Vilares.

TIRIZÓ

TIRIZÓ

Substantivo masculino.

Gran ou furuncho que sae na beira das pálpebras.

Ex: Molestáballe o tirizó ao pechar o ollo.

Sinónimos: orizó, toromelo.

ARGANA

ARGANA

Substantivo feminino.

1. Filamento ríxido que se prolonga da  casca do gran de trigo e doutros cereais.

Ex: Enganchábanlle as arganas do trigo nos calcetíns.

2. Espiña de peixe.

Ex: Cravou unha argana na gorxa. 

Frases e expresións con argana:

Parecer unha argana: estar moi delgado.

Ex: Cando era moza parecía unha argana.

PAROLEIRO/A

PAROLEIRO/A

Adxectivo.

Que é moi amigo de parolar.

Ex: A avoa é moi paroleira, párase con tódolos veceños.

Sinónimos: faladeiro, falador, falangueiro, leriante,