CERRULO

CERRULO

Substantivo masculino.

Can pequeno, pola súa raza ou por ser aínda un cachorro.

Ex: A ese cerrulo non lle ten medo ninguén.

Sinónimos: Cadelo, cuzo, zarrulo (xeito menos recomendábel).

PÍA

PÍA

Substantivo masculino.

1. Recipente cóncavo de pedra ou doutro material, para conter líquidos, de diversas formas e tamaños segundo o uso que se lle dá.

Ex: Encheulles a pía os porcos. A pía do bautizo, a pía da auga bieita.

Sinónimos: bacía, bacieiro, bacío, barquela, conco, cunco, maseira, maseiro, barcal.

2. Burato onde se apoia o mastro das embarcacións.

Ex: Un anaco do mastro que rompeu quedou na pía.

3. Peza de seixo ou metal que vai encaixada na mesa do muíño e que permite que o ovo vire sobre dela.

Ex: Unha pía de bronce dura moitos anos.

Sinónimos: ra, xoga.

Substantivo feminino.

1. Conxunto de cousas postas unhas enriba das outras, ou cantidade de calquera cousa agrupada fromando un monte.

Ex: Mira que pía de esterco ten detrás da corte!

Sinónimos: montón, morea.

2. [Coloquial] Gran cantidade ou número de algo.

Ex: Ten unha pía de exercicios para facer.

Sinónimos: montón, morea.

Substantivo feminino.

Inclinación que se ten cara a unha persoa ou cousa.

Ex: Tenlle moita ía á sobriña máis vella.

Sinónimo: apego.

Adxectivo.

1. Que ten ou manifesta sentimentos de devoción e respecto por Deus e as cousas da relixión.

Ex: A súa sempre foi unha familia moi pía.

Sinónimos: devoto, piadoso.

2. [Persoa] que ten inclinación a sentir caridade e a practicala.

Ex: Débelles a vida ás pías monxiñas do convento.

Sinónimo:  caritativo.

FOLLADO

FOLLADO

Substantivo masculino.

1. Masa utilizada en repostaría e cociña, que se elabora con fariña e manteiga e que coa calor do forno se converte nun conxunto de follas finas, superpostas unhas ás outras.

Ex: Encarguei na confeitaría unha torta de follado e nata para o meu aniversario. Fixo a empanada con masa de follado.

2. Filloa grosa.

Ex: Gustábanlle os follados que facía súa tía Carme.

PÍO

PÍO

Substantivo masculino.

Pía grande xeralmente de pedra.

Ex: O lagar ten un pío onde se esmagan as uvas.

Adxectivo.

1. Que ten ou manifesta sentimentos de devoción e respecto por Deus e as cousas da relixión.

Ex: A de Lois sempre foi unha familia moi pía.

Sinónimos: devoto, piadoso.

2. [Persoa] Que ten inclinación a sentir caridade e practicala.

Ex: Débelles a vida ás pías monxiñas do convento de San Xerome.

Sinónimo: caritativo.

Substantivo masculino.

Son que producen as crías de calquera ave e os paxaros.

Ex. Os pitiños daban píos coa fame.

Sinónimos: Chirlo, pirlón, chío.